Кансерватыўная партыя (Нарвегія)

Кансерватыўная партыя
Høyre
Лідар	Эрна Солберг
Дата заснавання	1884
Штаб-кватэра	Осла
Краіна	Нарвегія
Ідэалогія	ліберальны кансерватызм, кансерватыўны лібералізм
Інтэрнацыянал	Міжнародны дэмакратычны саюз Еўрапейская народная партыя
Маладзёжная арганізацыя	Norwegian Young Conservatives[d]
Колькасць членаў	каля 25 000
Дэвіз	«Muligheter for alle»
Партыйны друк	Høyres Avis[d] і Tidens tegn[d]
Сайт	(нарв.)
Медыяфайлы на Вікісховішчы

Кансерватыўная партыя (нарв.: Høyre, нюнорск Høgre — «правая») — нарвежская кансерватыўная палітычная партыя, заснаваная ў 1884 годзе, з'яўляецца другой найстарэйшай палітычнай партыяй краіны пасля Ліберальнай. З 2004 года на чале партыі стаіць Эрна Солберг.

Партыя мае моладзевае крыло (Нарвежскія Маладыя кансерватары, нарв.Unge Høyre), заснаванае ў 1922 годзе, яго ўзначальвае з 2008 года Хенрык Асхеім.

Гісторыя

Кансерватыўная партыя Нарвегіі была заснавана ў 1884 годзе. Яе першым старшынёй быў Эміль Станг. З моманту свайго стварэння, Хейрэ была адной з найбуйнейшых палітычных партый Нарвегіі, а пачынаючы з 1920 года на шмат гадоў стала другой па велічыні партыяй краіны. Больш за 70 гадоў кансерватары былі самай вялікай несацыялістычнай партыяй Нарвегіі, пакуль у канцы 1990-х іх не апярэдзіла Партыя прагрэсу. У цяперашні час Хейрэ другая па велічыні партыя ў стортынгу, пасля Нарвежскай рабочай.

У перыяд паміж сусветнымі войнамі галоўнай мэтай партыі было стварэнне правацэнтрысцкага альянсу супраць росту рабочага руху і папулярнай Рабочай партыі. З 1950 па 2009 год партыя прыняла ўдзел у шасці ўрадах. У 1960-х гадах кансерватары ўваходзілі ў нацыянальныя ўрады (Кабінет Ёна Люнга з 28 жніўня па 25 верасня 1963 і Кабінет Пера Бортэна з 12 кастрычніка 1965 па 17 сакавіка 1971 г). У 1980-х гадах кансерватыўнай партыі атрымалася сфармаваць аднапартыйны ўрад меншасці (Першы кабінет Карэ Вілака, з 14 кастрычніка 1981 па 7 чэрвеня 1983), таксама ў 80-х яна двойчы станавілася удзельнікам трохпартыйных урадаў (Другі кабінета Карэ Вілака з 8 чэрвеня 1983 па 8 мая 1986 і Кабінет Яна Сюсэ з 16 кастрычніка 1989 па 3 лістапада 1990). У 2000-я гады кансерватары паўдзельнічалі ў працы Другога кабінета Х'еля Буневіка (19 кастрычніка 2001 года - 17 кастрычніка 2005 г).

У 2005 годзе партыя атрымала на выбарах найгоршы вынік за ўсю сваю гісторыю, але на выбарах 2009 палепшыла свае паказчыкі, а пасля іх быў зафіксаваны рост папулярнасці кансерватараў у апытаннях. У 2013 Хейрэ набрала каля 27%, тым самым зноў стаўшы другой партыяй, па колькасці месцаў у стортынгу.

Прадстаўніцтва ў Стортынгу

Год	% галасоў	месцаў
1906	32,7%	35
1909	41,5%	41
1912	32,6%	20
1915	29,0%	20
1918	30,0%	40
1921	33,4%	42
1924	32,5%	54
1927	24,0%	30
1930	27,4%	41
1933	20,2%	30
1936	21,3%	36
1945	17,0%	25
1949	17,8%	23
1953	18,8%	27
1957	18,9%	29
1961	19,3%	29
1965	20,3%	31
1969	18,8%	29
1973	17,2%	29
1977	24,5%	41
1981	31,8%	53
1985	30,4%	50
1989	22,2%	37
1993	17,0%	28
1997	14,3%	23
2001	21,2%	38
2005	14,1%	23
2009	17,2%	30
2013	28,4%	48

Спасылкі

• Hoyre — Афіцыйны сайт ( (нарв.))
• Conservative Party (Hoyre) Архівавана 26 верасня 2010. — Афіцыйны сайт ( (англ.))